Чистый ЦветОнлайн сурет мектебі Тегін Өтінім қалдыру

Елена Шурукованың сурет мектебі «Чистый Цвет»

Ересектерге арналған онлайн сурет және кескіндеме сабақтары

Біз сурет салуды шын мәнінде үйретеміз, ұстазға қарап көшіріп салуды емес.

Сурет салуды шын мәнінде үйрену деген не?

Бәлкім, қолыңызға әлі қылқалам алып көрмеген шығарсыз. Немесе үйреніп көрдіңіз: оқытушымен бірге салу қолыңыздан келеді, ал өз бетіңізше жұмысқа кірісу қиын.

Сурет пен кескіндемені нөлден бастап бірнеше сабақта меңгеруге болады деген уәде еліктіреді. Бірақ сабақ бойынша сәтті картина салғаныңыз басқа картинаны өз бетіңізше сала алатыныңызды әлі білдірмейді.

Сурет өнерінің негіздерін түсінбей, әрекеттерді жай ғана қайталасаңыз, уақыт пен ақша жұмсап, кейін тағы да неден бастарыңызды білмей қалуыңыз мүмкін.

Шын мәнінде сурет салу — суретшіше көру және ойлау

Біз осыны көркемөнер жоғары оқу орындарында берілетін іргелі білімге және шебердің тәжірибесіне сүйеніп үйретеміз. Нөлден бастауға болады. Артық академиялық қатаңдықсыз, әр қадамда қолдау көріп, қызыға үйренесіз.

«Чистый Цвет» сурет мектебінде «Неден бастаймын?» немесе «Келесі қадам қандай?» деген сұрақтар жауапсыз қалмайды. Кәсіби суретші Елена Шурукова оқу бағдарламалары мен әдістемелерін 12 жылдан астам ұстаздық тәжірибесіне сүйеніп әзірледі. Олар жүйелі түрде, өзіңізге жайлы қарқынмен, қадам басып үйренуге көмектеседі.

Біз суретшінің қалай салатынын көрсетіп қана қоймай, оның шешімді неге және қалай қабылдайтынын, тағы қандай нұсқалар барын түсіндіреміз. Бізбен бірге сурет салып, қажетті теорияны бірден іс жүзінде қолданасыз, сұрақ қоясыз және кәсіби кері байланыс аласыз. Жылы әрі қолдау білдіре отырып, жағымпаздықсыз, формалды жауапсыз және дөрекіліксіз айтамыз.

Қателерді өзіңіз байқап, түзетуді үйренесіз. Уақыт өте олардың көбін қайталамай, таңдаған бағытыңызда көркемдік шешімдерді сенімді қабылдайсыз. Жаңа дағды оқытушы жаныңызда болмаған кезде де өзіңізде қалады.

Қазір қай кезеңдесіз?

Сурет салуды нөлден үйренгіңіз келе ме?

Қолыңыздан келмей қалады деп уайымдайсыз ба? Әлде неден бастарыңызды, алғашқы қадамды қалай жасап, қателеспеуді білмей жүрсіз бе? Арманды кейінге ысыра берудің қажеті жоқ — оны жүзеге асырған жөн. Алғашқы қадамды жасауға көмектесеміз, бұл мүлде тегін!

Шеберлік сабақтарымыздың жазбаларынан бастаңыз. Тікелей эфирлерді сіз үшін сақтап қойдық. Алғаш рет сурет салсаңыз да, бәрі қолжетімді, қарапайым әрі түсінікті.

Бұл — алғашқы қадам. Одан кейін сурет салудың қаншалық қызық екенін сезесіз. Келесі қадам — шын мәнінде жүйелі оқу.

Сурет салып жүрсіз, әрі қарай қалай дамуды білгіңіз келе ме?

Жұмысыңызды кәсіби суретшінің талдауына жіберіңіз. Қай тұсы сәтті шыққанын көрсетіп, әрі қарай нені дамытуға болатынын айтамыз.

Талдау сурет салуды енді бастағандарға да, көп жылдан бері сурет салып жүргендерге де пайдалы. Ол толығымен тегін.

Жұмысыңызды кім қарайды:

Елена Шурукова — кәсіби суретші, 12 жылдан астам сабақ беріп келе жатқан оқытушы. Ол Ресейдегі жетекші көркемөнер оқу орындарының бірі — С. Г. Строганов атындағы РГХПУ түлегі. «Чистый Цвет» сурет мектебін ашып, оның әдістемелері мен бағдарламаларын әзірледі.

Жұмысты талдауға жіберу

Мектептің негізін қалаушы туралы

Елена Шурукова

Елена Шурукова Строганов университетінің дипломымен

Елена жетекші көркемөнер оқу орындарының бірі — Строганов академиясын (қазіргі С. Г. Строганов атындағы РГХПУ) «Монументтік-сәндік өнер» мамандығы бойынша бітірген.

Диплом туралы мәлімет

Сурет салып жүргеніне 23 жылдан астам болды. Мәскеудегі Сәулетшілер үйінде және Болгария елшілігінде көрмелерге қатысты. Безендіру және қалпына келтіру жұмыстарын атқарды, ірі нысандарда мозаика төсеуге қатысты. Еленаның жұмыстары жеке жинақтарда сақтаулы.

Еленаның сабақ беріп жүргеніне 12 жылдан астам болды. Ол ересектерге сурет салуды, кескіндемені нөлден меңгеруді және өзіндік шығармашылық көзқарасын дамытуды үйретеді.

«Контур», Pick Art (Мәскеу), «Этюд» (Реутов) студияларында жұмыс істеді. Шеберлік сабақтарын өткізді.

2020 жылдан бері жаңадан бастағандар мен тәжірибесі бар оқушыларға онлайн сабақ береді. Оқу орындарына түсуге дайындау тәжірибесі де бар.

Еленадан әлемнің түрлі елдерінен келген адамдар білім алды (Израиль, Германия, АҚШ, Ұлыбритания және т. б.).

«Чистый Цвет» сурет мектебі қалай ашылды?

«Чистый Цвет» — менің ұстаздық тәжірибемнен бастау алған, ересектерге арналған онлайн сурет мектебі.

Маған бұған дейін сурет курстарына, шеберлік сабақтары мен марафондарға қатысқан, бірақ өз бетімен жұмыс істеуді әлі үйренбеген оқушылар келетін. Көбі көлемді, жарық пен пішінді қалай беруді түсінбейтін. Жүйе, негізгі теория мен кері байланыс болмағандықтан, ілгерілей алмай қалатын. Бірі кітаптар мен интернеттегі тегін сабақтардан өз бетімен үйренуге тырысты, енді бірі өмір бойы сурет салуды армандаса да, бастауға батылы жетпеді.

Алдыма жоғары оқу орнында алған білімім мен көп жылдық тәжірибемді әркімге қарапайым әрі түсінікті жолмен жеткізу міндетін қойдым. Оқушылар ойланбай көшірмей, нені және не үшін істеп жатқанын түсінетіндей оқытқым келді. Курсты аяқтаған соң алған білімін іс жүзінде сенімді қолданып, оқытушысыз да жол таба алса дедім.

Үйренгісі келетіндер көбейе берді. Адамдарға әдістемем, сабақтың қысымсыз, қамқорлықпен, әрі нақты нәтиже беретіндей өтуі ұнайтын. Сөйтіп жеке ұстаздық тәжірибем табиғи түрде «Чистый Цвет» деп атаған мектебіме ұласты. Мұнда академиялық негіз бен оқушыға деген мұқият, адами көзқарас ұштасады. Біз «бір аптада суретші боласыз» деп уәде бермейміз. Суретті түсініп салуды қадам-қадаммен, қолдау көрсете отырып үйретеміз.

Елена Шуруковамектептің негізін қалаушы

Елена Шурукованың жұмыстары

Еленаның кескіндемесі мен суреттері — мектептің негізін қалаған суретшімен танысудың тағы бір жолы.

Барлығы: 291 / 29

Неліктен «Чистый Цвет» мектебін таңдайды?

  1. Шын мәнінде үйретеміз, сурет салудың қызығын сақтаймыз

    Тым құрғақ академиялық оқыту мен шектен тыс қаталдық тіпті сурет салуды қатты қалап, оқуға күш жұмсауға дайын адамның да ынтасын басуы мүмкін. Сондықтан сабақтарды сурет пен кескіндеменің академиялық негізін жайлы ортада меңгеретіндей құрамыз. Осылайша сурет салуға деген қызығушылық пен сүйіспеншілік сақталады.

    Шын мәнінде үйрену сурет салуға деген ынтаны баспауы керек. Оқу қызықты, оқытушының қолдауы бар үдеріс бола алады. Біз «бір сағатта картина салу» сияқты шығармашылық демалысты жүйелі оқыту деп ұсынбаймыз.

  2. Кәсіби суретшінің білімі мен тәжірибесін аласыз

    Елена Шурукова — «Чистый Цвет» сурет мектебінің негізін қалаушы, оқытушы, мектеп бағдарламалары мен әдістемелерінің авторы. Ол жетекші көркемөнер оқу орындарының бірі — Строганов академиясын (қазіргі С. Г. Строганов атындағы РГХПУ) бітірген. Суретші мен ұстаз жолынан өзі өткен: 23 жылдан астам сурет салып, 12 жылдан астам уақыт өзгелерге үйретіп келеді.

    Елена кәсіби білімді түсінікті тілмен жеткізеді. Сурет пен кескіндеменің негіздерін меңгеріп, олардың байланысын түсінуге және үйренгеніңізді өз жұмыстарыңызда қолдануға көмектеседі. Оқуды аяқтағаннан кейін де өз бетіңізше сурет сала аласыз.

  3. Біз әдемі уәде сатпаймыз, сурет салуды үйретеміз

    Міндетіміз — сізге үйрету. «Сиқырлы» әдіспен қысқа мерзімде кәсіби суретші боласыз деп, қалай да қызықтырып әкелуге тырыспаймыз.

    Ұстаздың салғанын ойланбай көшіру мен бірнеше лайфхак академиялық негіз бен шын оқудың орнын баса алмайтынын білеміз. Кез келген дағдыға уақыт пен жаттығу керек.

    Бізбен бірге өзіңізге қажет дағдыларды дамытасыз. Жылдар бойы сыналған классикалық теорияны практикамен ұштастырып, оқытудың заманауи тәсілдерінен ең жақсысын аламыз. Әдемі уәдемен адамның арманын пайдалану оңай. Біз шын мәнінде сурет салуды үйретеміз!

  4. Кәсіби сурет сабағы — үйіңізден, әлемнің кез келген жерінен

    Үйіңіздің жанында сурет мектебі де, көркемөнер студиясы да болмауы мүмкін. Болса да, бәрінде кәсіби суретшілер сабақ бере бермейді. Сабаққа барып-қайтуға уақыт жұмсау да әрдайым ыңғайлы емес.

    «Чистый Цветте» кез келген қала мен елден онлайн сурет салып, кескіндемемен айналыса аласыз. Үйдегі өзіңізге жайлы ортада кәсіби суретшіден үйреніп, сұрақ қойып, оқытушының көмегін аласыз. Жолға кететін уақыт өзіңізге және сурет салуға қалады.

    Тәжірибеміз көрсеткендей, сурет салуды үйренуде онлайн сабақтар бетпе-бет сабақтардан кем түспейді. Шешуші рөлді оқыту сапасы мен өз жаттығуыңыз атқарады.

  5. Ашық әрі кәсіби кері байланыс

    «Жарайсың, әдемі!» деген сөздің өзі әрі қарай қалай дамуды түсінуге жеткіліксіз. Ал түсіндірілмеген ескерту жауаптан гөрі көбірек сұрақ тудырады. Дөрекілікке мүлде жол жоқ: ол сурет салуға деген ынтаны басады.

    Кері байланысымыз нақты әрі пайдалы. Оқытушы — сабақ беру тәжірибесі бар кәсіби суретші. Ол жұмысыңыздың сәтті тұстарын атап, қателердің қай жерде және неге шыққанын түсіндіреді, оларды қалай түзетуге және нені жаттықтыруға болатынын айтады. Осының бәрін жылы әрі ашық айтып, қолдау көрсетеміз. Жағымпазданбаймыз, жалпылама жауаппен шектелмейміз.

    Мақсатымыз — шын мәнінде сурет салуды біртіндеп үйрету. Қателерді өзіңіз байқап, түзетіп, себебін түсініп, келесі жұмыстарда қайталамауға көмектесеміз.

  6. Топтық немесе жеке тікелей онлайн сабақтар

    Сабақтарымыз тікелей эфирде өтеді. Сабақ үстінде оқытушыға сұрақ қойып, түсінбегеніңізді нақтылап, жұмысыңызды көрсетіп, дер кезінде кәсіби кері байланыс ала аласыз.

    Шағын топта 10 адамға дейін болады. Осылай әр оқушыға көңіл бөлуге уақыт жетеді. Ортақ бағдарлама бойынша оқып, қызығушылығы ортақ адамдармен араласасыз. Сондай-ақ дайындығыңызды, қызығушылығыңыз бен мақсатыңызды ескеретін жеке бағдарлама бойынша өз қарқыныңызбен оқуға болады.

    Әлі шешім қабылдай алмасаңыз, нені үйренгіңіз келетінін және қалай оқыған ыңғайлы екенін айтыңыз.

Оқушыларымыз не салады?

Әркімнің өз қолтаңбасы, сүйікті тақырыптары және сурет өнеріндегі өз жолы бар. «Чистый Цвет» оқушыларының жұмыстарын көріңіз.

Барлығы: 331 / 33

Оқушылар не дейді?

Барлығы: 211 / 21
Сабақ таңдау

Сурет салуды шын мәнінде үйрене бастаңыз

10 адамға дейінгі топ

Арт-Профи

Қызығушылығы ортақ адамдармен бірге бір бағдарлама бойынша сурет салуды үйреніңіз

80–90 минут · аптасына бір рет

  • Тікелей онлайн сабақтарда оқытушымен бірге сурет саласыз, сурет пен кескіндеме негіздерін түсініп, оларды өз жұмыстарыңызда қолдануды үйренесіз.
  • Шағын топта оқытушы әр оқушыға көңіл бөлуге үлгереді. Суретіңізді сабақ үстінде көрсетіңіз. Ол қай тұсы сәтті шыққанын, нені және неге түзету керегін айтады.
  • Сабақты өткізіп алдыңыз ба, әлде оны толықтай қайта көргіңіз келе ме? Жазба оқу мерзімі бойы қолжетімді.

Бір сабақ 4 975 ₸-ден (теңге) бастап

4 сабақтан тұратын топтама — 19 900 ₸-ден бастап

10 адамға дейінгі топ

Арт-Профи плюс

Сабақ арасында өз бетіңізше сурет салыңыз. Оқытушы жұмысыңызды бейнежазбада жеке талдап береді.

80–90 минут · аптасына бір рет

  • «Арт-Профидегі» ортақ бағдарлама бойынша тікелей сабақтар, оқытушының сабақ үстіндегі көмегі және ақысы төленген оқу кезеңіндегі сабақ жазбалары түгел кіреді.
  • Сабақтар арасында тақырыпты өз суреттеріңізде бекіту үшін тапсырмалар мен ұсыныстар аласыз.
  • Қосымша кері байланыс бейнежауап түрінде беріледі.

Бір сабақ 8 750 ₸-ден (теңге) бастап

4 сабақтан тұратын топтама — 35 000 ₸-ден бастап

Елена Шуруковамен жеке сабақтар

Өзіңізге қызық дүниені өз қарқыныңызбен салыңыз.

50–60 минут · сабақ кестесін келісіп белгілейсіз.

  • Елена сізге жеке оқу жоспарын құрады. Сабақта оның бар назары сізде болады.

Бір сабақ 15 000 ₸-ден (теңге) бастап

Төлем 4, 8 немесе 12 сабақтық топтамамен жасалады

Бағалар теңгемен (KZT) көрсетілген. Басқа валютамен төлесеңіз, соманы банкіңіз немесе төлем сервисі қайта есептейді. Бағам мен ықтимал комиссия төлем тәсіліне байланысты. Төлемді растамас бұрын түпкі соманы көресіз.

Өз валютаңызда қанша болады?

Шамамен шығатын сома

ҚР ҰБ-ның бағамы

Сома анықтамалық бағам бойынша есептелді. Төлегенде банкіңіз немесе төлем сервисі өз бағамын қолданады, сондықтан түпкі сома өзгеше болуы мүмкін.

Төлем тәсілдері

MastercardVisaRobokassa

Кез келген елден төлем қабылдаймыз

Жиі қойылатын сұрақтар

Еш тәжірибем болмаса да, нөлден бастап сурет салуды үйрене аламын ба?

Иә, үйренесіз! «Чистый Цвет» онлайн сурет мектебіне тәжірибесі жоқ ересектер де келіп, біртіндеп қалай сурет салу керегін түсіне бастайды.

Бәрін нөлден түсіндіреміз: пішінді қалай құруды, көлемді беруді, түсті көруді және басқа да қырларын. Күрделі нәрсені қарапайым, түсінікті тілмен айтамыз. Қысымсыз, жұмсақ қолдап, ынталандырып, қадам-қадаммен жетелейміз. Бір нәрсе шықпай қалса, оқытушы суретте нені түзету керегін айтып қана қоймай, себебін де түсіндіреді.

Есіңізде болсын: бастысы талант емес, тұрақты жаттығу және сурет салуға қызығу! Бізбен бірге батыл бастаңыз! Қасыңыздан табылып, әр қадамда көмектесеміз.

Жасым жиырмадан асып кетті. Сурет салуды бастауға кеш емес пе?

Мүлде кеш емес! «Чистый Цвет» мектебінде әр жастағы ересектер оқиды. Көбі сурет салуды көптен армандаған, бірақ уақыты өтіп кеткендей көрініп, кейінге қалдыра берген. Шын мәнінде жас кедергі емес! 40-та да, 60-та да, одан кейін де бастауға болады! Көптен бергі арманыңызды жүзеге асырудан бас тартпаңыз.

Бәлкім, бала кезден есіңізде қалған табиғат көрінісін салғыңыз келетін шығар. Немесе ұзақ үзілістен кейін қайтадан қылқалам алғыңыз келер. Сізде үлкен артықшылық бар: өмірлік тәжірибе мен саналы көзқарас.

Нені және не үшін қалайтыныңызды білесіз. Сурет салуға деген ниетіңіз бір сәттік әуестік емес, ал біз осы бастамаңызда көмектесіп, қасыңызда боламыз. Сурет салып көріңіз, шығармашылықтан және өз ілгерілеуіңізден қуаныш табыңыз!

Сурет салуды онлайн, бетпе-бет курстардағыдай тиімді үйренуге бола ма?

Иә! Ересектерге арналған «Чистый Цвет» онлайн сурет мектебінің заманауи оқыту форматы бетпе-бет сабақтан кем түспейді. Мұны екі форматта да сабақ берген Елена Шурукованың көп жылдық тәжірибесі көрсетеді.

Суреттің қалай салынатынын тікелей көресіз: қылқаламның әр қимылын, тіпті қарындаштың жіңішке сызықтарын байқайсыз, оқытушының әр түсіндірмесін естисіз. Сабақта сұрақ қойып, бірден кәсіби кері байланыс алуға болады. Топтық сабақтар да жазылады. Жазбаны қайта көріп, кідіртіп, қажетті үзіндіні қайталап, материалды өз қарқыныңызбен бекіте аласыз.

Көп оқушы онлайн оқу өзіне тіпті ыңғайлы екенін айтады. Асығудың да, жолға уақыт бөлудің де қажеті жоқ. Үйреншікті ортада асықпай, қызыға сурет сала аласыз. Сапалы бетпе-бет сабақ әр жерде бола бермейді, ал онлайн формат әлемнің кез келген жерінен білікті оқытушылармен, сыналған әдістеме бойынша айналысуға мүмкіндік береді.

Оқу қалай өтеді?

Барлық сабақ онлайн, тікелей эфирде өтеді. Суреттің қалай салынатынын әр қадам сайын тікелей көресіз. Сабақта оқытушыға сұрақ қойып, суретіңізді көрсетіп, кәсіби кері байланыс ала аласыз. Оқытушы сізді бағдарлама бойынша жетелеп, сурет салудың негіздері мен қағидаларын түсіндіреді. Осы білімді оқуды аяқтағаннан кейін де өз жұмыстарыңызда қолдана аласыз.

«Чистый Цветтің» тікелей онлайн сабақтары тиімділігі жағынан студиядағы сабақтан кем түспейді. Сабақта оқытушымен бір-біріңізді көріп, тікелей сөйлесесіз. Жұмыстан немесе үй шаруасынан кейін ешқайда барудың қажеті жоқ. Оның үстіне, үй маңында кәсіби суретші сабақ беретін студия мүлдем болмауы мүмкін.

Топтық сабақтар жазылады. Жазбаны ыңғайлы уақытта қайта көре аласыз немесе сабақты өткізіп алсаңыз, материалды кейін қарай аласыз.

Нәтиже қанша уақытта көрінеді?

Сурет салу — жарыс емес, жол. Нәтижеге жету жылдамдығы көп нәрсеге байланысты: қанша жаттығатыныңызға, сыналған әдістемеге, дұрыс оқу жоспарына, кәсіби кері байланысқа және өзіңіз жұмсайтын уақытқа, шыдам мен табандылыққа. Әдістемені, ұйымдастыруды, курс құрылымын және қолдауды біз өз мойнымызға аламыз. Онлайн сурет сабағы тиімді, адал әрі жағымды болуы үшін барымызды саламыз. Ғажайыпқа уәде бермейміз. Оқуды оқытушының салғанын көшірумен алмастырмаймыз, өйткені ол нәтиже бермейді. Суретті шын түсіну мен өзіңізге сенім біртіндеп, жаттығумен және ұсақ-түйекке назар аударумен келеді. Мақсатымыз — «тез үйрету» емес, қорықпай, дайын үлгіге байланбай, өз бетіңізше сурет сала алатындай үйрету. Бастысы — уақыт емес, саналы әрі тұрақты жұмыс. Аптасына 1–2 рет қана айналыссаңыз да, нәтиже болады — шынайы, көзге көрінетін және өзіңіздікі.

Уақытым аз. Тұрақты айналыса алмасам немесе тікелей сабақты өткізіп алсам ше?

Бұл қалыпты жағдай, әркімнің өмір ырғағы әртүрлі. Ересектерге арналған «Чистый Цвет» онлайн сурет мектебінде сабақтар икемді ұйымдастырылған. Топтық сабақты өткізіп алсаңыз, оның жазбасы бүкіл оқу кезеңінде қолжетімді болады. Материалды ыңғайлы уақытта қайта көріп, кідіртіп, күрделі жерін қайталап, өз қарқыныңызбен жалғастыра аласыз.

Күн сайын сурет салуға бәрінің бірдей мүмкіндігі жоқ екенін түсінеміз. Сондықтан оқуды қадам-қадаммен, өмір ырғағыңызға сай құрамыз. Саналы түрде айналыссаңыз, аптасына 1–2 сабақтың өзі байқаларлық ілгерілеу береді.

Кестеңіз тым тығыз болса, жеке онлайн сабақты таңдап, күні мен уақытын оқытушымен келісе аласыз.

Бастысы — сағат саны емес, тұрақтылық пен іске зейін қою. Сурет салу міндетке айналмай, шабыт пен демалысқа арналған жеке уақытыңыз болуы үшін өз ырғағыңызды табуға көмектесеміз.

Бұрын курсқа қатыстым, бірақ үйрене алмадым. Сіздерде не өзгеше?

Бұл жиі кездеседі.

Мектеп ашылмай тұрып Елена жеке сабақ берген. Оған курс, марафон немесе шеберлік сабақтарынан өтіп, бірақ өз бетімен сурет салуды үйренбеген оқушылар жиі келетін. Қазір де осындай оқушылар ересектерге арналған «Чистый Цвет» онлайн сурет мектебіне келеді, сонда жағдай өзгереді. Себебі көбіне біреу: бұрынғы курстарда түсінуді емес, қайталауды үйреткен.

Біз басқаша жұмыс істейміз. Сурет пен кескіндеменің негіздерін — композицияны, жарық пен көлеңкені, көлемді, пішін құруды, перспективаны және басқа да маңызды қағидаларды — үйреніп, бірден іс жүзінде қолданамыз. Бастысы — әдемі сурет салып қана қою емес, оны қалай салуды түсіну. Әр сабақта кәсіби кері байланыс беріледі. Оқытушы қателерді көруге, олардың себебін түсінуге және өз бетіңізше түзетуге үйретеді. Осылайша ұзаққа қалатын шын дағды қалыптасады: суретті саналы түрде, сенімді сала аласыз.

Мектептің негізін қалаушы — Елена Шурукова, академиялық білімі бар суретші әрі оқытушы (Строганов академиясы, қазіргі С. Г. Строганов атындағы РГХПУ). Оның авторлық әдістемесінде әр тапсырма кескіндеме мен суретті тереңірек түсінуге және өз бетіңізше жұмыс істеуге жетелейді. Біз оқытушының салғанын көшіруді емес, сурет салуды үйретеміз. Сондықтан оқуды аяқтаған оқушыларымыз меңгерген дағдысын оқытушысыз, сенімді әрі саналы түрде қолдана алады!

Оқушылардың жұмыстарын тексеріп, кері байланыс бересіздер ме?

Әрине. «Чистый Цвет» онлайн мектебінде оқушыларды сабақ жазбаларымен жалғыз қалдырмаймыз. Кері байланысты ашық әрі нақты, формалды жауапсыз, жағымпаздықсыз және дөрекіліксіз береміз. Оқытушы суретте не сәтті шыққанын көрсетіп, қате неге болғанын түсіндіреді және жұмысты қалай жақсартуға болатынын айтады. Біртіндеп суретте нені түзету керек екенін өзіңіз байқап, оны қалай істеу керегін түсіне бастайсыз.

«Арт-Профиде» суретіңізді көрсетіп, сұрақ қойып, дәл сабақ үстінде түсіндірме ала аласыз. «Арт-Профи плюс» форматында сабақ арасында өз бетіңізше орындайтын тапсырмалар да бар. Орындалған тапсырмаға оқытушы жеке бейнежауап жазады: қай тұсы сәтті шыққанын және әрі қарай немен жұмыс істеу керегін түсіндіреді.

Жеке сабақта оқытушының бар назары сізде болады. Әзірге қиындық тудырған тақырыпты толығырақ талқылай аласыз.

Қолдау мен кері байланыс — жай қосымша емес, шын оқудың бір бөлігі деп білеміз. Қай форматты таңдасаңыз да, қасыңызда жол көрсетіп, көмектесуге дайын оқытушы барын сезесіз.

«Чистый Цветтің» басқа онлайн сурет мектептерінен айырмашылығы қандай?

Басты айырмашылығы — адалдық пен оқытушымен тікелей оқу. Бір аптада суретші боласыз деп уәде бермейміз, сабақты дайын контурды көшіруге айналдырмаймыз. Сабақта суретіңізді көрсетіп, бір жері неге шықпай жатқанын оқытушыдан сұрай аласыз.

«Чистый Цвет» онлайн сурет мектебінде қайталауды емес, түсінуді үйретеді. Сурет пен кескіндеменің нақты негіздерін — композицияны, жарық пен көлеңкені, көлемді, түсті, перспективаны және басқа да маңызды қағидаларды меңгересіз. Күрделі нәрсені бұрын сурет салмаған адам да түсінетін қарапайым тілмен түсіндіреміз.

Әдістеме авторы — Елена Шурукова, суретші, оқытушы және Строганов академиясының (қазіргі С. Г. Строганов атындағы РГХПУ) түлегі. Ол теория, практика және оқытушының қолдауы өзара байланысқан жүйе құрды. Материалды біртіндеп, шамадан тыс жүктемесіз меңгеріп, жұмыстарыңыздың қалай өзгеретінін көресіз.

«Чистый Цветте» қысым, жарыс немесе «нәтиже қуу» жоқ. Мұнда үдерістің өзі маңызды. Суретшіше көруді, ойлауды және не істеп жатқаныңызды түсініп сурет салуды үйренесіз. Ересектер үшін онлайн сурет курстарымыз — шығармашылыққа оралып, өзіне деген сенімді қайта сезінудің жолы.

«Шын мәнінде» үйретсеңіздер, сабақ қызықсыз әрі қиын болып кетпей ме?

Жоқ! «Чистый Цвет» онлайн сурет мектебінде шын мәнінде оқытамыз, әрі оқу түсінікті, қызықты және шабыт береді. Күрделі дүниені қарапайым тілмен айтып, асықпай, қызыға әрі ләззат алып үйренетін орта жасаймыз.

Бағдарламалар, техникалар мен материалдарды таңдауға болады. Қарындашпен, акварельмен, пастельмен, акрилмен және майлы бояумен сурет салуды үйрене аласыз. Мастихинмен жұмыс істеуді, портрет, пейзаж, натюрморт, адамның дене бітімін және басқа да көптеген дүниені салуды меңгеруге болады. Сондықтан оқу әр алуан әрі қызықты болып қалады!

Сабақтар еркін, жылы әрі қамқор ортада өтеді. Оқушылар оқытушылардың жұмсақ тәсілі ұнайтынын жиі айтады: бәрі асықпай, қисынды түсіндіріледі және қолдау көрсетіледі. Сол себепті ілгерілеумен бірге сурет салудың өзінен де қуаныш аласыз. Шын мәнінде үйретеміз, әрі оқу жалықтырмайды, қысым да жоқ.

Бағаларыңыз теңгемен. Басқа елден және басқа валютамен төлей аламын ба?

Иә, әрине. Әртүрлі елдерден төлем қабылдаймыз. Бағалар теңгемен (KZT) көрсетілген, өйткені «Чистый Цвет» мектебі Қазақстанда тіркелген. Теңгемен жеке шот ашудың қажеті жоқ.

Интернет-дүкендегі кәдімгі сатып алу сияқты банк картасымен төлейсіз. Растамас бұрын қорғалған төлем бетінде төленетін соманы теңгемен көресіз.

Карта шотыңыз басқа валютада болса, банк немесе төлем сервисі соманы қайта есептейді. Шоттан қанша ақша алынатыны бағам мен ықтимал комиссияларға байланысты.

Сурет салуды көптен бері қалайсыз ба? Ендеше бастайық.

Өтінім қалдырыңыз — тәжірибеңіз бен қызығушылығыңызға сай сабақ таңдауға көмектесеміз. Алғашқы қадамды тегін жасауға болады: шеберлік сабақтарымыздың жазбалар топтамасынан бастаңыз. Сурет салып жүрсіз бе? Жұмысыңызды кәсіби суретшінің тегін талдауына жіберіңіз.

«Арт-Профи» тобына өтінім

Сынақ формасы. Ойдан шығарылған деректерді пайдаланыңыз.